Sígunaspilin - Nornastund í Systrasamlaginu
Sígunaspilin - Nornastund í Systrasamlaginu
Við hittumst í nærandi Nornastund í Systrasamlaginu mánudaginn 13.maí kl. 17:00 og lærum að lesa í Sígunaspilin.
Sígunaspilin eru mjög einföld og þægileg spáspil, sem allir geta lært að túlka vel fyrir sig og sína. Spilin eru létt og skemmtileg og tilvalið að draga þau fram í saumaklúbbnum og í góðra vina hópi.
Í þessari stund lærir þú allt sem þú þarft að vita til að lesa vel í Sígunaspilin og færð að auki upplýsingar og aðgengilegt efni um spilin á íslensku.
Allir þátttakendur fá lestur í Sígunaspilin og tækifæri til þess að fylgjast með þegar lesið er í spilin fyrir aðra, en einnig að æfa lestur spilanna sjálf.
Innifalið í stundinni er námskeið í Sígunaspilum, spá með Sígunaspilunum, grænmetissúpa, brauð & pestó og sparidrykkur.
Systrasamlagið veitir einnig afslætti af völdum vörum fyrir námskeiðsgesti.
Athugið að það eru takmörkuð pláss í þessa stund.
Tinna og Unnur Teits leiða saman hesta sína á þessu námskeiði, en þær hafa setið saman í sínum nornahring í yfir 30 ár og grúskað í Sígunaspilunum OG Tarotspilunum í áratugi. Það mætti með sanni segja að þær séu meðal helstu sérfræðinga landsins í lestri hverskonar spá spila.